Ай астында -Алтыбақан

Маусым айының соңғы күні таулы аймақта орналасқан "Адай ата-Отпан тау" тарихи -мәдени кешенінде дәстүрлі этнографиялық "Ай астында -Алтыбақан" атты іс-шара ұйымдастырылды. Тарихтан тамыр тартатын, ежелден қазақ жастарының негізгі ойын -сауығы болып саналатын "Алтыбақан" қазіргі таңда "Адай ата - Отпан тау тарихи - мәдени кешенінің жыл сайын өткізетін үрдісті мерекесіне айналды. Бұл шараны биыл Отпан тауда Қарақия ауданы Сенек ауылдық мәдениет үйі ұйымдастырып, көптеген көрерменнің көзайымына айналды. Іс-шара аясында мәдениет үйінің ұжымы екі көрме ұйымдастырды: өлкенің тұмса табиғатына арналған фотокөрме және Қарақия ауданы қолөнер шеберлерінің туындыларынан тұратын декоративтік көрме. Келер жылы эстафетаны Бейнеу ауданының мәдениет үйі жалғастырмақ.