«Шұбат мерекесі»

26 маусым күні Тұщыбек ауылында "Адай ата- Отпан тау" тарихи-мәдени кешені қызметкерлерінің ұйымдастыруымен ғалым, хирург-ортопед, медицина ғылымының докторы, Тұщыбек туберкулезды шұбатпен емдеу шипажайының негізін салушы, Қазақстанның еңбек сіңірген дәрігері Естөре Оразақовтың 115 жылдығына орай «Шұбат мерекесі» өтті. Шара барысында жүргізушілер Г.Шораева мен Д.Сырым Е.Оразақовтың өмірі мен қызметі туралы, шипалы сусын шұбат туралы, Е.Оразақов атындағы туберкулезді шұбатпен емдеу шипажайы туралы айта келіп, шипажай директоры А.Сегізбаевқа сөз берді. Сонан соң тақырыпқа сай шұбатқа қатысты бірнеше қызықты жарыстар мен сайыстар ұйымдастырылды. Атап айтар болсақ: таза шұбатты табу, шұбат дайындау әдісін баяндап беру, "Шымыр шұбат", шұбат ішу жарыстары өте қызықты да тартысты өтті. Жеңімпаздар елдің және ел ішінен таңдаған қазылар алқасының дауыс беруімен анықталды. Жеңімпаздар мен жүлдегерлерге ақшалай, заттай сыйлықтар мен дипломдар табыс етілді.  Өнерпаздар жиналған ауыл тұрғындарына өнерлерін шашу етті.