"Алуан түрлі кәсіп бар"

25 қыркүйек күні "Адай ата - Отпан тау" тарихи-танымдық этно-мәдени кешенінде "Алуан түрлі кәсіп бар" деп аталатын шара болып өтті. Шараның мақсаты: оқушылар мен жастарға мамандық таңдауда көмектесу, бағыт беру. Шараға Шетпе кентінің жеке кәсіпкерлері; "Заңғар-Асу" қоғамдық қорының директоры Аққалам Дүйсенбаева, ұлттық қолөнер шебері Бөкенбаев Бауыржан, компьютер бағдарламаларының маманы Алтыбаев Есімхан және Есір Айшуақұлы атындағы орта мектептің 10-сынып оқушылары қатысты. Шара қонақтары өздері айналысатын кәсіптері мен оның ерекшеліктері туралы айтып, қызықты әңгіме өрілді. Оқушылар өздері қызықтырған сұрақтарына тұщымды жауап алып, ризалық сезімдерін ыстық шапалақтарымен білдірді. Бауыржан шебердің қолынан шыққан тастан қашалған бұйымдар көрермендер назарына ұсынылды. Шараны ұйымдастырушы кешен қызметкерлері қонақтарға ризалық сезіммен маңғыстаулық сатирик ақын, сазгер, қазақы әзілдің майталманы марқұм Қыдырбай Тұрмағамбетұлының "Көңіліңде жүрсем көбірек" атты кітабын сыйға тартты.