«Халықтар достығы – бірлікте»

7 қараша күні Қазақстан халқы Ассамблеясының 20 жылдығына арналған «Халықтар достығы – бірлікте»  атты мәдени-этнографиялық көпшілік шара өтті. Шараға Маңғыстау облысындағы 6  этно-мәдени орталық өкілдері: «Ехпайрутюн» армян ЭМО-ның өкілі Дамилян Асмик, қырғыз ЭМО-ның өкілі Шарабидинов Исак, дағыстан халықтары ЭМО-ның өкілі Мухтаров Мурат, корей ЭМО-ның өкілі Ким Александр, «Вайнах»  ЭМО-нан Коригов Хасан тағдырлары қыл үстінде тұрған кезеңде жатсынбай, кең құшағын ашқан қазақ халқына қарыздар екендіктерін ризалық сезіммен айтып берді. Ұйғыр ЭМО-ның өкілі Асматова Айтунам ханым  «Қоғамдық келісім» МКМ қызметкерлері, Ақтау қаласы №13 гимназиясының  оқушылары, Ақтау қаласы «Ақтау» коледжінің студенттері және «Отпан» ауылдық округының әкімі Орақ Морханов қатысты.«Қоғамдық келісім» МКМ маманы Күміскалиева Қамқа құттықтау сөз сөйлеп,  Қазақстан халқы Ассамблеясының 20 жылдығына арналған бейнеролик көрсетілді. ЭМО өкілдері  сөз сөйлеп, қазақ халқына, Елбасыға алғыстарын айтты. Ұйғыр ЭМО өкілі Асматова Айтунам  арнайы пісіріп әкелген ұйғырдың ұлттық тағамы саңзадан  қатысушыларға ауыз тигізіп, ұйғырдың ұлттық киімімен ұлттық биін орындап берді.