«Еліміздің болашағы – жастар»

«Еліміздің болашағы – жастар» атты әдеби-танымдық кеш. Қараша айының 9 жұлдызында ұйымдастырылған бұл шараға, облыстағы барлық аудан, қалалардан жас ақындар мен жастар саясаты жөніндегі бөлімдер өкілдерінің, республикаға белгілі ақындар: Әзірбайжан Қонарбаев, Рза Оңғарбай, Базархан Сүйеуов, Ахметжан Домбаяқ, Сарсен Қодыр, сықақшы және тележурналист Қожахмет Демеубергенұлы, сазгер және ақын Данияр Аралбайұлының қатысуымен поэзияға байланысты пікір алысу, кездесу болып өтті.

Кәсіпорын директорының орынбасары Д.Аралбай тақырыпқа байланысты баян-дама жасап, кездесу шымылдығын ашып берді. Кездесуді өлкемізге белгілі сатирик, тележурналист Қ.Демеубергенұлы жүргізіп отырды.

Бұл шара өлкеміздегі жас ақындарымыздың басын біріктіріп, олардың талантын, ой-өрісін шыңдау және жастар ортасында ұлттық патриотизмді дамытуға, оларды туған жерін, атажұртын – Отанын сүюге тәрбиелеуге ықпалын тигізді. Шара соңында ақын ағаларының атынан қарт ардагер ақын Б.Сүйеуов бата берді.