«Атадан қалған асылды ардақтайық!»

Қараша айының 26-сы күні киелі Отпан таудың етегінде «Атадан қалған асылды ардақтайық!» атты ат спорты мен саятшылыққа арналған спорттық-танымдық көпшілік шара өткізілді. Шараға жақында Шымкент қаласында өткен А.Асқаров атындағы жарыстың қола жүлдегері «Адай Ата» командасы мен облыстық ат спорты  мектебінің түлектері, Маңғыстау ауданы, Отпан ауылдық округы әкімшілігінің қызметкерлері, Таушық ауылы Шахта орта мектебінің, Жыңғылды ауылы Е.Айшуақұлы атындағы орта т.б. мектептердің оқушылары, ат спорты мен саят өнерінің жанкүйерлері мен жанашырлары қатысты.

Шараны «Отпан» МКҚК-нің бөлім меңгерушісі, ат спортының, саят өнерінің жанашыры Жомарт Айдарбек жүргізіп, беташар сөзді Маңғыстау ауданының әкімінің орынбасары Ерболат Махмутов алып, ауданда өткізіліп жатқан түрлі көпшілік шараларға «Отпан» МКҚК да өз үлесін қосып жатқанын, бүгінгі өткізіліп жатқан шараның Елбасының биылғы «Нұрлы жол» жолдауын бүкілхалықтық қолдаумен үндес екенін, аудан орталығында осымен қатар  бүгін үлкен мәдени шара өтіп жатқанын атап өтті. 

«Отпан» МКҚК тарих бөлімінің меңгерушісі Данияр Аралбайұлы «Отпан» мекемесі құрылғаннан бері көптеген ұлтымыздың тарихи, рухани мәдениетін дамыту бағытында көптеген мәдени, танымдық, патриоттық көпшілік шаралар өткізіп келе жатқанын, соның бірі бүгінгі шара екенін атап өтті. Додаға көкпардан ҚР спорт шебері, облыстық ат спорты түрлері мектебінің жаттықтырушысы Кенжебеков Бақытжан төрелік етті. Көкпардан соң аударыспақ, теңге ілу түрлеріне кезек берілді.

 Бұл ойындарға Түпқараған аудандық ат спорты түрлерінің бас жаттықтырушысы, республи-калық дәрежедегі жаттықтырушы Әлекен Бөлтеков төрелік етті.  Көкпар тартысы жүріп жатқан кезде облыстық ат спорты мектебінің директоры, республикалық дәрежедегі жаттықтырушы Қанағат Сүйебаев оқушыларға көкпар ойынының тәртібі туралы айтып отырды. Саятшы, құсбегілер Өтеғалиеа Мереке және Есжанов Ертіс өздерінің бүркіті мен қаршығасын әкеліп, жиналған жұртшы-лыққа таныстырып, құсбегілік туралы айтып берді.