23 қазан күні кешенде Республика күніне арналған "Тәуелсіз елдің ұланымыз" атты патриоттық шара өтті. Шараға Жыңғылды ауылының Е.Айшуақұлы атындағы мектептің және С.Нұрниязұлы атындағы мектеп-интернаттың оқушылары мен мұғалімдері қатысты. Шараның мақсаты: оқушыларды Отанды, ұлтын сүюге, оның мәдениетін, салты мен тілін құрметтеуге, рәміздерін қастерлеуге тәрбиелеу. Шараны ұйымдастырған - әдіскер З.Еңсегенова, жүргізген Д.Сырым. Шара барысында Щ.Еңсегенова мереке туралы слайдтармен көркемделген баяндама жасаса, мектеп оқушылары патриоттық әндер мен өлеңдер орындады. Жүргізуші оқушыларға мерекеге орай сұрақтар қойып, нақты жауаптар берілді. Жауап берген оқушылар сыйлықтарға ие болды. С.Нұрниязұлы атындағы мектеп-интернаттың қазақ тілі мен әдебиеті пәнінің мұғалімі Жұмахан Ақерке мен Е.Айшуақұлы атындағы мектептің мұғалімі Сабытаева Жазгүл кешен қызметкерлерін мерекемен құттықтады. Шара соңында бөлім меңгерушісі Ж.Айдарбек қатысушыларға рахмет айтып, ұстаздарға ең бағалы сыйлық-кітап тарту етті.